TI, HEROI IM
Ti-bir i popullit të robëruar
Shpirtguximtar dhe zemërbardhë
Ti-vigan sa Alpet Shqiptare
Jeton, jeton, o legjendar
Kujtimet rendin, nga malet fluturojnë
Skifterët në qiell vërtiten si era
Ca hijena t’uritura cijatin, ulurojnë
Prapë currila lotësh dëshirojnë për k’to treva
Të quaj vëlla me krahë madhështorë
Ti më ke mësuar drejt këngës t’udhëtoj
E unë si grimcë ajri jam duke flut’ruar
O trim pushka jote edhe sot kumbon
Ti, o trim, hero, mburojë e vegjëlisë
I t’mjerëve dhe t’shkretëve që shekujt i dërrmuan
Ti- që flakë e kalle një perandori
Sot për trimërinë tënde historia shkruan
Je shkëndijë që gjithkah gjallëron
Je tufë rrezesh- kudo vezullon.