Shqiptarë , kurrë mos e tradhëtoni njëri-tjetrin

Shkruan : Brilant Gashi


Nuk humbasin rrënjët tona (shkrimi #9)
 
Çfarë duhet të bëjmë për t’a zhdukur tradhëtinë nga trojet tona ? Tradhëtia të bën humbës , tradhëtia të vret dhe kjo tradhëti të bën t’a mallkosh atë copë toke , ku ke lindur dhe je rritur ! Zot , mos bëj më shumë tradhëtarë sepse mjaft kemi vuajtur .
 
E shikoj atdheun në sy dhe në të shikoj një të shkuar , e cila nuk mund të përballohet . Më dhimbsesh o tokë shqiptare , por përsëri kjo dhimbje më bën të fortë . Unë mund t’a marr këtë dhimbje përgjithmonë edhe pse e di se do të vuaj … Por do të bëhem edhe më i fortë sidomos nëse bëhet fjalë për mbrojtjen e kombit tim .
 
Ndihem edhe shumë i fyer që nga momenti kur ne u ndamë Nënë Shqipëri ! Nuk kam fjalë të të them .. Situata në këtë copë toke dardane është bërë ferri i vërtet sa që nuk gjej fjalë të të spjegoj se çfarë po ndodh në të vërtet . Jam i dëshpëruar që s’mund të të tregoj asgjë ty por çfarë t’i bësh !!! Kur je i plagosur dhe me dhimbje , mjerë unë sepse s’mund të them asnjë fjalë .
 
Përpiqem të përshtatem me këtë situatë .. Disi përshtatem edhe pse nuk e di se si . Ndoshta pse kemi qenë popull gjithmonë i shtypur dhe në varfëri ekstreme ? Po kemi qenë popull i shtypur dhe në varfëri ekstreme .
 
Fjalët më lartë i konsideroj një mesazh për popullin tim . Mesazh shumë i qartë , një mesazh që paraqet shumë mirë edhe dhimbjen shqiptare ! Mbi të gjitha edhe dashurinë që shpreh për tokën e nënës . Tokë shqiptare , të dua ashtu siç je … Tokë shqiptare , t’i njoh plagët e marra , t’i njoh trimat që i ke lindur gjatë shekujve , por … t’i njoh edhe tradhëtarët e ndyrë që i ke pjellë !
 
Pse o atdhe e bëre këtë gabim ? këtë gabim të madh të pjelljes së gjithë këtyre tradhëtarëve , të cilët dolën të gjithë si këpurdha . Tradhëtia ndaj kombit është e barabart me tradhëtinë ndaj familjes , tradhëtinë edhe ndaj zotit . Gjithashtu edhe tradhëtinë ndaj bashkimit të Shqipërisë që nga dita kur kombi shqiptar lindi . Unë nuk do t’a fal asnjë njeri që kërcënon të shkatërroj atdheun tim , qoftë ajo edhe familja ime apo të afërmit e mi .
 
O shqiptarët e mi , mos e tradhëtoni njëri-tjetrin se na dënon zoti , mosni , mos e shkatërroni shpirtin e shqiptarëve tanë . Mos na shkatërroni ëndërrat tona sepse ato ëndërra janë edhe ëndërrat e juaja . Duajeni njëri-tjetrin sepse vëllazëria e shëndoshë e largon edhe të keqen nga trojet tona .
 
Nëse ka tradhëti , Shqipëria nuk mund të bashkohet ose ndryshe “Pa u vra tradhëtia , nuk mund të bashkohet Shqipëria” . E di o shqiptarë … Edhe unë i’u kam lodhur juve , por kjo është e vetmja thënie që duhet të tregoj se tradhëtia ndaj kombit të vret ! Ndryshe nuk mund të prehesh në varrin tënd i qetë , me një thes të madh tradhëtish ndaj kombit tënd .
 
Dua t’i them vëllezërve të mi . Tregohuni të butë me njëri-tjetrin … Largojeni tradhëtinë nga vetja juaj sepse kjo tradhëti është njolla e zezë në këmishën e bardhë të kombit tonë . Vazhdoj edhe të marrë frymë edhe pse e di që kam vdekur si shkak i tradhëtisë sonë mijëvjeçare .
 
Që nga Dhimitër Fari e deri në ditët e sotme , e jetojmë të njëjtën ndjenjë … Marrim frymë shkaku i tradhëtisë ndër shekuj .
Të mallkuarit e zotit i kanë mbushur gjepat e tyre plotë , ndërsa për popullin e shkretë janë të varfër deri në fyt . Kjo është gjendje e vajtueshme për shqiptarët .
 
Na duhen edhe disa njerëz si shembulli i Avni Rrustemit tonë i cili bëri bujë me dy krisma kobureje në Paris . Sikur të ishe gjallë o trimi ynë edhe tradhëtia do të kishte marrë flakët e veta . Zoti nuk është ngopur me dy mijë vite tradhëti dhe ne nuk bëjmë asgjë t’a zhdukim këtë dukuri negative tek shqiptarët . Atëherë nuk do të ketë shpresa që zoti të jetë në anën tonë .
 
Jemi njerëz të ardhur nga yjet për të formuar një tokë që quhet Iliri , për të qenë autoktonë të këtyre tokave ! Për të rritur fëmijët tanë në këto toka ! Më së shumti t’a bëjmë bashkimin tonë në këto toka pasi që kemi qenë të ndarë , të varfëruar , me tradhëti deri në palcë dhe pa pikë shkollimi . Frikësohemi mos do të marrim fund si popull sepse udhëhiqemi nga njerëz , të cilët janë analfabetë dhe edukohemi nga njerëzit e pamoralshëm .
 
Këto janë rrënjët e tradhëtisë .
Përpiqemi me qenien tonë t’i themi jo këtyre tradhëtive pasi që nuk mund të ketë ndryshe bashkim të Shqipërisë . Prandaj o engjëjt e mi me emrin dhe gjakun shqiptar – Kurrë mos u bëni tradhëtarë të njëri-tjetrit e aq më shumë të kombit tuaj .

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Latest posts by Brilant Gashi (see all)

Shperndaje ne

The Author

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Bashkimi i Shqipërisë © 2014 Bashkimi i Shqiperise
Show Buttons
Hide Buttons