Do të kaloj male e fusha
do të kaloj oqeane e dete,
do të shkoj unë fluturim
m’u atje te Atdheu im.
Me krahët e bletës punëtore
të marrë mjaltë hoje më hoje
nga Prishtina deri në Vlorë
në Preshevë e në Tetovë!
Do të fluturojë mbi kaltërsi
shpirtit tim t’i japë freski,
nga Molla e kuqe në Çamëri
gjithandej ku i thonë Shqipëri!
Do të fluturojë sikur shqiponja
gjithandej trojeve tona,
qe t’i shuaj dhimbje e mall
qe në shpirtë më vlojnë si zjarrë.
Sa të vijë e bardha ditë
do t’i preki kaltërsitë,
do t’i shkeli të gjithë kufijtë
më prit Atdhe, ti më prit!
©Maki M Canolli
PIROMANET
Djajt e Karpateve
Na e ndalën rritën
Na e zunë Diellin
Na e pinë gjakun
Tentuan
Të na e mbyllin gojën
Një meteor zbriti nga lart
Mu në zemër i ra
Përbindëshit
Pas shumë vuajtjeve
U ringjall Shqiponja
E po fluturon e lirë-
Krahëhapur
Në trojët shpirtërore.
Nga Halil Preniqi