Letërsi Kombëtare: Atdhe Geci – K O N K R E T Ë S I

431 herë Lexuar
Arkivi i Ҫamërise, Arti dhe Kultura Kombetare, Të përgjithëshme
 
K O N K R E T Ë S I

Çamëri, toka ime me pjesë të atdheut
më lë të puthi dhe të përqafoj shumë
jo si dashnor por si bir e atdhetari yt,
dhe të këndoj këtë poemë me ëndërr:

Çamëri, motër e të gjithë shqiptarëve
disa janë udhët e lirisë që na bëjnë të
bashkuar me Shqipërinë dhe atdheun.
Çamëri, nga muza më vjen të këndoj,
pak nga krojet dhe lumejtë, pak nga
bimësia jote dhe ullijtë, pak nga deti
yt dhe monumentet e tua pellazgjike,
pak nga vuajtja e zemëruar dhe, pak
nga Katër Mollat e Kuqe  të  Atdheut!

Çamëri ëndërr e hapur nëpër vreshta
ëndërr e këngëve nëpër livadhe e ara,
ëndërr e majemaleve të nëpërtokës
unë gjithë jetën për ty do të këndoj!….

Çamëri, s´është larg dita kur ti mund
të ecësh pa ligjin e luftës në këmbë,
pa prangat e shtypjes dhe pushtimit
pa dryrin e burgut dhe shtetrrethimit!

Çamëri, atdhe i kulturës dhe i librit
atdhe i veprave të dijësve të mëdhej
është koha që të rilindesh mbi hirin
e të rënëve të të gjithë epirotëve tuaj!

Në djepin e lashtë të pellazgo-ilirve
nuk ka konkretësi më të madhe se
Pavarësi e Republikës së Çamërisë,
e as konkretësi sa Çamëria Shqipëri!

Atdhe Geci – Onhezmë ( Sarandë ) 2022
Shperndaje ne
Updated: 20 Shtator, 2023 — 08:39

The Author

Atdhe Geci

Rrustem Geci është një poet i njohur. Ai u lind në Roganë të Dardanës. Mësimet e para i bëri në vendlindje, kurse shkollën e mesme e kreu në Gjilan dhe Dardanë. Rrusta u kulturua më tej në Universitetin e Prishtinës, në Fakultetin Ekonomik. Rrustem Geci 15 vjet ishte gazetar, në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai mërgon në Dortmund të Gjermanisë, ku edhe tani jeton e vepron. Deri më tash ka shkruar dhe botuar 17 vepra; 1. “Demonstratat e luleve”, 2. “Antolologjia personale" 3. “Jeta në Letër”, 4. ”Mielli dhe uji”, 5. “Lirikë”, 6. “Dridhjet e barit”, 7. “Atdheu”, 8. ”Erdhëna”, 9. “Arbëreshët”, 10. “Shqipëria”, 11. “Trojet e mia” , 12. “Rogana”, 13. “Heroika”, 14. “Gacat e prushit”, 15. “Atdhetarët”, 16. “Pasha këtë tokë”, 17. “Kanuni poetik”, libri më i vëllimshëm në gjuhën shqipe me poezi, 2 mijë faqe, dhe mbi 23 mijë vargje. Motivet në poezinë e Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qenit poet. Poezia përfiton shumë nga e bukura, nga dashuria. Rrustem Geci është anëtar i Lidhjes së Shkrimtarëve të Kosovës, prej vitit 1995, dhe është i përfaqësuar në gjashtë Antologji me poezi, dhe në një Antologji për gazetari.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.