Mos harroni pushtimin o shqiptarë

Shkruan : Brilant Gashi


Jemi të ngulfatur në depresion të thellë por edhe nëse jemi të lirë nuk do të mbushemi me mend kurrë . “Keq me qenë të lirë , keq mos të jemi të lirë” . As vet nuk e di se çfarë të jemi . Por edhe nëse zgjedhim vetëm njërën nga këto , pushtimin nuk duhet t’a harrojmë në asnjë mënyrë .
 
Fatkeqësia kombëtare do të jetë e barabartë me tradhëtarë . Nuk mund të gjejmë ndonjë dallim të mundshëm mes këtyre dyjave sepse një e vërtet është se nuk ka dallim . Njëra ka origjinën nga tjetra . Vetëm duhet të lutemi kudo që të jemi , në shtëpi , banesë , xhami apo kishë që zoti të na ruaj kombin tonë se mos-vet çka na ka gjetë .
 
Na është bërë shprehi që të tradhëtojmë e sidomos t’a tradhëtojmë veten tonë . Në vend që t’a duam atë që është e jona , ne e duam atë rracë “njerëzore” të cilët na e sollën pushtimin për shekuj të tërë dhe të cilët na e mbushën mendjen se ne nuk duhet të jemi shqiptarë por vetëm ata që kanë fenë ortodokse duhet të jenë grekë , shqiptari i krishter duhet të jetë latinë dhe shqiptari i fesë islame të jetë turk . Në këtë propagand kanë rënë shumica e shqiptarëve . Me të vërtet më vjen keq për ta .
 
Cili mund të jetë problemi i tyre apo nga kush paguhen që të thonë kështu ? Po të ishin njerëz me ndikim do të ishte disi e vështirë , por duhet që të falënderohemi se kjo po ndodh tek ata njerëz që s’kanë asnjë vjet shkollë .
 
Ishte 25 Janari 2018 dhe muzgu po mbulonte ditën e enjte . Edhe pak po fillonin lajmet në KTV por unë nuk u’a vija veshin sepse mjaft më me politikën e fëlliqur tonën . Por një lajm që e pashë më bëri të bërtisja fortë dhe t’a mallkoja kombin tim .
 
“Hoxhallarët dhe qytetarët e Prizrenit bëjnë lutje për fitoren e Turqisë ndaj Kurdëve .” – thoshin lajmet . Nuk e di as si të ndjehem . Jam mjaft i mllefosur dhe më vjen t’a hedh shtetin përmbys për t’i gjuajtur disa plehra aty ku e kanë vendin .
 
A nuk është ky vendi ku u bë Lidhja e Prizrenit ku kemi dhënë jetën për besa-besë , aty ku morëm guximin t’i rrokim armët dhe të luftojmë kundër atyre që sot i duam dhe atyre që jemi gati t’iu përulemi , aty ku u hoq flamuri osman-turk vetëm që të nderohet Pavarësia e Shqipërisë nga turqit në vendin ku dëshmori Rrustë Kabashi i vrau 100 turq për Shqipërinë .
 
Nëse feja e këtyre hoxhallarëve quhet paqe , atëherë çfarë lutjesh na qenkan këto që ushtria turke të vrasë njerëz të pafajshëm !?
Kjo është pra prova kryesore për të vërtetuar se sa shumë analfabetë dhe të pashkollë janë këta pisa të punësuar nga baballarët e tyre në Stamboll . Hoxhallarët e këtij kalibri me sukses janë duke kryer planin e Çubrilloviçit për t’i bërë lavazh trurit të shqiptarëve .
 
Të njëjtën gjë na e bëkan edhe shqiptarët autokton të Maqedonisë . Hoxhallarët bëjnë lutje për ushtarët në operacionin “Dega e Ullirit” . A nuk e kuptoni që me veprimet e juaja jeni duke i shkulur të gjitha degët e popullit shqiptar . Zoti i’u dënoftë dhe i’u dërgoftë në djall bashkë me Turqi .
 
Kur bëjmë kështu do të thotë se kemi shkalluar dhe do të vazhdoj të them përherë – “I urrej viktimat që respektojnë ekzekutorët e tyre .” – Jean Paul Sartre . Shqiptar zgjohuni !
Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Bashkimi i Shqipërisë © 2014 Bashkimi i Shqiperise
Show Buttons
Hide Buttons