Në gjakun e bujkut tonë
ka grurë, misër, fasule
beteja të ashpra për jetën
beteja të ashpra për tokën
dhe farë të njëmijë luleve
Në gjakun e bujkut tonë
në kraharorin e tij të gjerë
lulëzojnë fusha të gjëra
rrënjë gjaku të stëmoçme
kokërra të gurit të lashtë
pemë nga më të ëmblat
Tek ky mbjellës i jetës
rritet një univers i tërë
dhe një botë e çuditshme
me bimë, pemë dhe lule!..